Хасан Хубиев Барлыкъ тюлме сени тоюнга

Текст песни "Хасан Хубиев — Барлыкъ тюлме сени тоюнга"

муз. и сл. Хасана Хубиева

Барлыкъ тюлме сени тоюнга,
Кёлкъалды болмазса, ангыла,
Чырмау болмайым джазыуунга,
Мени джюрегиме тынгылаб.

Барлыкъ тюлме сени тоюнга
Мыдах кёзлеринги кёрмезча.
Бизде джюрекледе оюмну
Джыйылгъан адамла сезмезча.

Кёзлерингде эки джилтинчик.
Ол джыламуъмуду, кюнмюдю?
Башымда учхан кёгюрчюнчюк,
Мени сюймеклигим тюлмюдю?

Ол кёгюрчюнню кенгден таныб,
Менге ахыр салам ийсенг а.
Экибизге джокъ эсе насыб,
Сен насыблы болур эсенг а...

Барлыкъ тюлме сени тоюнга.
Билеме, излейсе кёрюрге.
Акъ джаулукъчукъ чырмаб бойнунга,
Кёзлеринг бла салам берирге.

Джюрекни кёрюрсе къарамын,
Джазгъы чапракъ кибик къурурма.
Джюрегимде терен джараны
Кишиге билдирмей турурма...

Джюрекни кёрюрсе къарамын,
Къачхы чапракъ кибик къурурма.
Джюрегимде терен джараны
Кишиге билдирмей турурма.