Расул Чомаев Фатима

Текст песни "Расул Чомаев — Фатима"

Музыка и стихи Муссы Дудова.

Юсюнгде болгъан чырай -
Ариулукъну ёлчеси,
Булутладан чыкъгъан ай -
Джулдузланы бийчеси.

Айгъа ушатыб сени,
О Фатима, Фатима,
Сенге айтыр сёзлени
Толгъан айгъа айтама.

Дугъум къара кёзлени
Джюрегимде тутама,
Умутлагъа бёлениб,
О Фатима, Фатима.

Танг атаргъа тебресе,
Кюн чыгъыб нюрюн тёксе,
Сен кюнню тюрсюнюнде
Кёз аллыма келесе.

Кюнге ушатыб сени,
О Фатима, Фатима,
Сенге айтыр сёзлени
Джарыкъ кюнге айтама.

Къыш ызындан джаз келир.
Джюреклени эритир.
Эм насыблы кюнюмде
Экибизни тюбетир.

Джазгъа ушатыб сени,
О Фатима, Фатима,
Сенге айтыр сёзлени
Джылы джазгъа айтама.

Ариу чакъгъан гюллени
Сенге алыб барырма,
Сюймекликден кёллениб,
О Фатима, Фатима!