Касбот Тамбиев Ийнанма сен...

Текст песни "Касбот Тамбиев — Ийнанма сен..."

музыка Касбота Тамбиева
стихи Биляла Лайпанова

Джулдуз джанад, кёз къамата кечеде,
Танг атханлай, тас боллугъун билсе да.
Чыкъ да тюшед мынчакъ кибик ингирде,
Кюн чыкъгъанлай, думп боллугъун сезсе да.

Инанма сен, джолунг джарды деселе.
Инанма сен, дуния тарды деселе.
Инанма сен, джюрек тотду деселе.
Инанма сен, насыб джокъду деселе.

Чыпчыкъ бала уясындан къарайды,
Термиледи дженгил ёсюб, учаргъа.
Боз булут да кюн аманны марайды,
Джангур болуб, джерни юсюн джууаргъа.

Инанма сен, джолунг джартыд деселе.
Инанма сен, дуния тарды десле.
Инанма сен, джюрек тотту деселе.
Инанма сен, насыб джокъду деселе.

Джан излейди оюнланы ашхысын,
Тууар кюнню бачхыч этиб кесине.
Бир джагъадан бир джагъагъа ашыгъыб,
Атлайды ол, умут тюшсе эсине.

Инанма сен, мурат толмайды деселе.
Инанма сен, джукъ да къалмайд деселе.
Инанма, джурт кирленгенди деселе,.
Адеб-намыс кирленгенди деселе.

Таулу атын тас этмезин унутма.
Аты джокъну тауусулур къарыуу.
Джюрегинге джанган отну суутма,
Батхан кюнню кёбге бармаз джылыуу.

Инанма сен, мурат толмайд деселе
Инанма сен, джукъда къалмайды деселе.
Инанма джурт кирленгенди деселе.
Адеб-намыс кирленгенди деселе.