катя черкашина Мин эйиигин таптыыбын

Текст песни "катя черкашина — Мин эйиигин таптыыбын"

Көмүс күһүн бүтүүтэ
Маннайгы хаар түһүүтэ
Мин эйиигин булбутум
Тапталбын көрсүбүтүм
Ол күнтэн ыла сүрэҕим
Охсуута күүһүрбүтэ
Эйиигин доҕорбун
Таптаабытын билбитэ
Аҥардас мичээргин көрөммүн
Эйиигин олуһун астынабын
Аҥардас эн ааккын хатыылааммын
Хомойор санаабын умнабын
Үөрдэххинэ тэҥҥэ үөрэбин
Эйиигин курдары күүтэбин
Сүрэҕим истин иэйиитин
Ылыммаккын диэн мин билэбин

Сүрэхпин аныыбын
Мин эйиигин таптыыбын

Тымныы кыһын ортото
Ахсынньы ый буолуута
Эйиэхэ чугаһааммын
Доҕор аатын ылбытым
Эн миэнэ буолбатаххын
Дууһаҕын арыйбаккын
Ол эрэн миэхэ син биир
Күндү киһи буолаҕын
Хайдах гынан ситиһэбин
Сүрэҕин аанын арыйабын
Хайдах таптыырбын этэбин
Туора көрүөн диэн сэрэйэбин
Сэгэриэм миигин хомотума
Сурэхпин эн таас оҥорума
Эйиэхэ анаан ыллыыбын
Таптыыбын ди, таптыыбын

Сүрэхпин аныыбын
Мин эйиигин таптыыбын

Дьылҕабар эн курдук ураты киһини
Мин билэ да, коро да, истэ иликпин
Биир тыла суох аймыыгын олуһун миигин
Ынырык күүстээхтик ылларбыт эбиппин
Күндү киһим эйиигин эрэ талбытым
Бэлэхтиэм тапталбын, дууһабын барытын
Олохпор эн күнүм кэриэтэ буолаҕын
Ол эрэн миигиттэн син биир ыратааҕын...