Omut Спявай, Зямля

Текст песни "Omut — Спявай, Зямля"

Раніцай сонца малюе ў небе:
Промнямі крэсліць ў аблоках узоры,
Вецер-гарэза прачнуўся, смяецца,
Весела гасіць пабліклыя зоры.

Недзе жалейка гукне пастухова,
Чуеш, у лесе прачнуліся птушкі?
Гучна ляціць дальні клёкат бусловы,
Звіняць ручаём у лузе сінія стужкі.

Спявай, зямля,
А птушкі падхопяць!
Пяе рака –
Чароўны спеў выводзіць.

Шэпча аер нам пяшчотныя словы,
Слухаем песні зямлі нашай роднай,
Нашай роднай.
З неба ліецца званок жаўруковы –
Песні за гэту няма лепш ніводнай,
Лепш нiводнай.

Спявай, зямля,
А птушкі падхопяць!
Пяе рака –
Чароўны спеў выводзіць.

Раніцай сонца малюе ў небе:
Промнямі крэсліць ў аблоках узоры.
Вецер-гарэза прачнуўся, смяецца,
Весела гасіць пабліклыя зоры.

Недзе жалейка гукне пастухова,
Чуеш, у лесе прачнуліся птушкі?
Гучна ляціць дальні клёкат бусловы,
Звяняць ручаём у лузе сінія стужкі.

Спявай, зямля,
А птушкі падхопяць!
Пяе рака,
Чароўны спеў выводзіць.