Омар Отаров Алай болурун билсем (Мен билсем эди)

Текст песни "Омар Отаров — Алай болурун билсем (Мен билсем эди)"

Муз. и сл. народные.

Къайсы джайлыкъда отлай болурла
Иесиз къалгъан малларым?
Сюйгенинг эрге къачды дегенде,
Къырылыб тюшдюле санларым.

Къырылыб тюшген мени санларым
Энди тирилмейдиле ёрге.
Ай, бу бедишге къалгъандан эсе,
Кириб къалгъаем мен джерге.

Сен эки сёзлю болмасанг, бетсиз,
Мен бу бедишни кёрмезем.
Ай, медет, ол кече алайда болсам,
Джан алдырмай а, бермезем.

Алай этеринги билген болсам,
Эшикни сакълаб турурем.
Ант-тоба болсун, сени элтгеннге
Мен уллу чырмау болурем.

Ариу сёз айта, кёб кукалана,
Сен адамсызлыкъ этгенсе.
Сёзюнгю ашаб, бетинги джоюб
Башхагъа къачыб кетгенсе.

Ай, медет, Аллах, алгъындан билсем,
Билирем санга этерни,
Ышаннган башны ит ашар, дейле,
Сен кёрюр эдинг хатерни.

Сенден къалдым деб ичим кюймейди,
Барды ичими кюйдюрген.
Кёб этерими этмей оздурдум,
Олду башны джерге ийдирген.

Джер юсюндеди, узакъ тюйюлдю,
Таныйма баргъан эринги.
Эсингде болсун, айтыб къояма:
Къабдырмай къоймам эрнинги.

Айхай, чыдаб а къалай болалгъын,
Кечилмез бедиш этгенди.
Чачы чалды деб, башы малды деб,
Хыликке этиб кетгенди.

Манга этерни этиб кетгенсе,
Бек сакъ бол энди кесинге.
Терк ёлюб кетсем, сени насыбынг,
Ёлмесем - тюшер эсинге.