Олёш Машат-Ванюшат

Текст песни "Олёш — Машат-Ванюшат"

( эрзянь раськень моро)

Вай, иля пува, варма, вирь ланга,
Иляк чаравто якстере пиченть.
Те пиченть ало Машат-Ванюшат,
Машат-Ванюшат – вечкиця оят. (вечкиця оят )

Маша кенерсти, арты(викшни) палянзо,
Кува кенерсти, ранги-аварди.
Ваня кенерсти, лаци скрипканзо (кайганзо),
Кува кенерсти, арси - мелявты. ( арси - мелявты)

- Мейс тон авардят, мазый Манюша?
Мейс тон мелявтат, тундонь цецине?
- Вай тонь, Ванюша, солдаткс сайтядызь,
Тонтеметь ськамон, Ваня, кадсамизь. (ськамон, кадсамизь )

- Иля мелявто, Маша, сень кувалт,
Солдатокс туян, мон тонь а стувттан.
Ве ие служан, сёрма теть кучан,
Омбоце служан, теть кавто кучан.( сёрма теть кучан)

Службам прядови, минь васодтяно.
Пингень перть вейсэ минь карматано.
Вай, иля пува, варма, вирь ланга,
Иляк чаравто якстере пиченть. (якстере пиченть)