Джёгетей Джатдайны джыры

Текст песни "Джёгетей — Джатдайны джыры"

Муз. и сл. народные.

Къобан ёзенде сюрюучю джашланы, Джатдай,
Энди джанынг кибик кёресе.
"Мени кёзюмден кёрюб тутугъуз", - деб,
Ышым бауларынгы бересе...

Ой, большевикле келедиле, Джатдай,
Къатынынгы къой да, къачсанг а,
Сары гяурла басыныб келелле
Къазауат этиучю джолунга...

Кесинг джангыз, Джатдай, къалай къазауат этгин,
Пулемётунг кетди къолунгдан?
Сары гяурла уа къуршалаб келелле
Кесинг бугъунуучу къошлагъа...

Джангынгдан сюйген къара тору аджиринги
Энди кёзюуде ортагъа салалла,
Сени къолунгда алтын джюзюгюнгю
Бармагъынгы кесиб алалла...

Сен бармагъанлы, Джатдай,
Адам ашайдыла Бахсан къошлада парийле.
Ёлмеген эселе, къайда къалгъанла
Джигит Джатдай, Добай, Алийле?..

Сени ёлюгюнгю излеб табалмайды
Токълучу Даулетни эгери.
Ахыр кюнюнгде да къатынчыгъынг болгъанд,
Джигит Джатдай, сени нёгеринг...