Володя Матвеев Лий пеленем [МАРИЙ МУРО - МАРИЙ КУМЫЛ]

Текст песни "Володя Матвеев — Лий пеленем [МАРИЙ МУРО - МАРИЙ КУМЫЛ]"

✒1. Кава гыч кече шыргыжеш мылам,
Шарен йолважым, ырыкта шыман.
А йӱдым тылзе шып ойла:
«Йӧратымаш тул чоныштет йӱла».
Мый ӱшанем ал кечылан,
Мый ӱшанем йӱд тылзылан,
Йӧратымем, йӧратымем,
Лий пеленем.

✒2. Эрдене шӱшпык мурым колынам,
Пиал нерген мура улмаш лыжган.
Ала мардеж каласыш мыланем:
«Лач тыйым вученам, шыма таҥем».
Мый ӱшанем сар шӱшпыклан,
Мый ӱшанем лай мардежлан,
Йӧратымем, йӧратымем,
Лий пеленем.

✒3. А кӱшнӧ пыл-влак ийыт кайыкла
Нунат шават пиалым мыланна.
Да ӱмырлан пырля лияш,
Ала кумда кава пӱрен улмаш.
Мый ӱшанем ош пыл-влаклан,
Мый ӱшанем ош кавалан.
Йӧратымем, йӧратымем,
Лий пеленем.

✒4. Улат мылам тый кече да кава
Улат мылам тый волгыдо тӱня.
Улат тый мыйын шӱшпыкем,
Улат тый мыйын шӱдырем.
Лият гын ӱмырешлан пеленем,
Тылат гына лиеш изи шӱмем.
Йӧратымем, йӧратымем,
Лий пеленем.