Абазинские песни Албырг|ан

Текст песни "Абазинские песни — Албырг|ан"

Хъвыжьпшла уг|анащщит|
Щымтала Йынджьыгь,
Йг|атач|вит| ак|варла
Йк|арк|аруа Бабыгв.
Убатаг|а х|аг|ара,
Уурамква ртыбг|ара
Анц|рала сгвы йтазлушт|,
Сара с-Албырг|ан.

Абзазара амг|ва
Зджьара сагарыквын,
Суызг|айхныс сг|агвжважвит|,
Са скыт,Албырг|ан!
Ссабихъа агара,
Сбальигъра арыпхьаг|в,
Уа стшдырра аргвышхваг|в,-
Сара с-Албырг|ан.

Уа упшдзара, уа упшдзара
Ш|ырпшыра гьазсауам.
Уа ухъг|ара, уа ухъг|ара
Сгвы йгьыквц|уам зынгьи.
Йуызсыму сбзибара
Сынц|ра йабзибарап|,
Йауыразт| уынц|рапшдза,
Сара с-Албырг|ан!