Псалтирь (чит. Евгений Пацино) Псалом 74

Текст песни "Псалтирь (чит. Евгений Пацино) — Псалом 74"

Псалом 74
1 В коне́ц, да не растли́ши, псало́м пе́сни Аса́фу

2 Испове́мыся Тебе́, Бо́же, испове́мыся Тебе́ и призове́м и́мя Твое́: пове́м вся чудеса́ Твоя́.

3 Егда́ прииму́ вре́мя, Аз правоты́ возсужду́.

4 Раста́яся земля́ и вси живу́щии на ней, Аз утверди́х столпы́ ея́.

5 Рех беззако́ннующым, не беззако́ннуйте: и согреша́ющым, не возноси́те ро́га.

6 Не воздвиза́йте на высоту́ ро́га ва́шего, и не глаго́лите на Бо́га непра́вду:

7 я́ко ниже́ от исхо́д, ниже́ от за́пад, ниже́ от пусты́х гор.

8 Я́ко Бог судия́ есть: сего́ смиря́ет, и сего́ возно́сит.

9 Я́ко ча́ша в руце́ Госпо́дни, вина́ нерастворе́на, испо́лнь растворе́ния, и уклони́ от сея́ в сию́: оба́че дро́ждие Его́ не истощи́ся, испию́т вси гре́шнии земли́.

10 Аз же возра́дуюся в век, воспою́ Бо́гу Иа́ковлю:

11 и вся ро́ги гре́шных сломлю́, и вознесе́тся рог пра́веднаго.