Любовь Орлова Таче мыйын шочмо кече (2019)

Текст песни "Любовь Орлова — Таче мыйын шочмо кече (2019)"

Таче мыйын шочмо кече - Любовь Орлова.
Мутшо ден семже Любовь Орлован.
Аранжировко - Евгений Бахтинын.

Ий-влакат эртат пеш писын,
Эртат: теле, кеҥежшат.
Ӱмыр кечым мый ом шотло,
Тек кая, вӱдла йога.

Семтаҥ:
Шочмо кече, шочмо кече,
Таче мыйын шочмо кече.
Тау лийже авамлан,
Шочмо кечым пумыжлан.

Йоча-влакым куштенам мый,
Илыш корныш луктынам.
Шуко йӧсым чытенам мый,
Йӱштӧ-шокшым ужынам.
Нигунам мый ом ойгане,
Ончык сайжым вел вучем.
Лийже икте: чон куанлык,
Поро кумыл, чон йолташ.

Семтаҥ:
Шочмо кече, шочмо кече,
Таче мыйын шочмо кече.
Тау лийже авамлан,
Мыйым шочыктымыжлан.

Юбилей шиждегыч тольо,
Модын, воштыл, шыргыжал.
Юмо дечын йодмо полыш
Тек шукталтше курымлан.
Эртен кайше ӱмыремже
Огеш пӧртыл нигунам,
Таум ойлем Юмылан,
Арален шогымыжлан.

Семтаҥ:
Шочмо кече, шочмо кече,
Таче мыйын шочмо кече.
Тау лийже авамлан,
Шочмо кечым пумыжлан.

Шочмо кече, шочмо кече,
Таче мыйын шочмо кече.
Таум ойлем авамлан,
Мыйым шочыктымыжлан.
Таум ойлем Юмылан,
Арален шогымыжлан.