Иван Смирнов Йӧратем, Марий Элем! (2020)

Текст песни "Иван Смирнов — Йӧратем, Марий Элем! (2020)"

Йӧратем, Марий Элем! - Иван Смирнов.
Мутшо - Христина Александрован.
Cемже - Михаил Смирновын.

Шерге пеш тыгае вер,
Кушто мые шочынам.
Тыште родо, шочмо пӧрт,
Сылне, лишыл чылажат.
Курык, ер да чодыра,
Шӱвыр сем ден чон ыра.
Йӧсӧ мыланем шӱлаш,
Тарванем кунам тораш.
Унала тендам ӱжам
Вашлияш эр ӱжарам.
Тыште сылне шӱшпык йӱк,
Эн яндар памашын вӱд.
Тыште тамле ломбо пуш,
Ынем кай тышеч нигуш.
Пӧлеклем мурем тылат,
Шочмо эл, шонем колат?

Семтаҥ:
Йӧратем, Марий Элем,
Памашем, ерем, нурем,
Чодырам, ший эҥерлам,
Садерлам да уремлам.
Икте кажнын шочмо вер,
Икте веле Марий Эл!
Икте кажнын шочмо эл,
Икте веле Марий Эл!

Каенат, йолташ, тораш,
Тый ит мондо пӧртылаш.
Сылнырак уке тетла
Олала, ялла, элла.
Тыште кутырат марла,
Тыште муралтат пырля.
Пеледеш марий вис-вис,
Тыште чылт марий пӱртӱс.
Ӱнарем чаманыде,
Тыйын верч чыла ыштем.
Куш, тӱзлане, пеледалт,
Иле шӱдырла волгалт.
Лийже тынысле кава,
Лийже пиалан ава!
Ынже пале ньогана,
Мо тыгай осал война!
Семтаҥ.