Валерий Тихонов Илыш - модыш, мӧр пеледыш

Текст песни "Валерий Тихонов — Илыш - модыш, мӧр пеледыш"

Илыш - модыш, мӧр пеледыш - Валерий Тихонов.
Мутшо - Мардан Раян (Раисия Николаеван).
Семже - Валерий Тихоновын.

Мый декем тый толын лектыч
Умыр водын, вучыде,
Шинчашкем шыман ончальыч -
Шым керт мые, ылыжде.
Шӱведен-мужедын огыл
Суксо вий ден сеҥенат,
Шӧртньӧ-ший шергаш ден огыл,
Кумылет ден налынат.

Семтаҥ:
Илыш - модыш, мӧр пеледыш
Лийын лекте мыланна.
Нимогай туткар-пӧрдемыш
Логалде ме илена.
Юзо шем вий дене огыл
Мыйым тый савыренат,
Шӱм-кыллан ӱшанле койыш
Кумыл ден озаланат.

А лиеш гын йӧсӧ-неле -
Коктын тудым сеҥена,
Чон моторлыклан ме веле
Чын ӱшаным ыштена.
Еҥын темлыме ден огыл
Тыйым мый ойыренам,
Сай, мотор чиемлан огыл
Шӱм сравочым пуэнам.
Семтаҥ.