Роза Искакова Айста муралтен колтена

Текст песни "Роза Искакова — Айста муралтен колтена"

Айста муралтен колтена... (такмак-влак) - Роза Искакова.

Айста муралтен колтена,
Муро кумылым нӧлталеш.
Муро кумылым, ай, нӧлталеш,
Шалаталеш ойгымат.

Арамашке пурен кай(ы)шым,
Кычкыме имнем дене.
Мом мурашат мондышым,
Тендам ужмем дене.

Нӧлтеман тувырем чиен,
Уремыш лектам ыле.
Кумылемже ынже код ман,
Муралтен колтем ыле.

Кече лектын ок ончо гын,
Огеш кошко солыкем.
Ом муро гын, ом кушто гын,
Огеш лушко кумылем.

Пелед шушо олма садет
Ошын-ошын коялеш.
Ошын койшо садерыштет
Шӱшпык сылнын муралеш.

Эх, мура!

Олмажат кӱэш кизыт,
Чиежат кӱэш кизыт.
Олма, чие* кӱймӧ годым,
Ушешда возам кизыт.

Сита ынде, мурышым,
Сита ынде, куштышым.
Сита ынде, таче тендам
Веселитлен кодышым.

чие* - вишне.