Влад Николаев Чачавий (1998)

Текст песни "Влад Николаев — Чачавий (1998)"

Чачавий - Влад Николаев (Владислав Николаев).
Мутшо - Альбертина Иванова ден Леэна Лаулаяйненын.
Семже - Вениамин Захаровын.

Таҥем, палет тыгай йомакым?
...Ик он шӱмбелжылан ойлен:
"Лӱметым, Чачавий, ом акле,
Ок келше тудо мыланем.
Колтем гын тый декет сӱаным,
Кондем оръеҥым у лӱманым.
У суртыш пурыметын акше
Лиеш вес лӱм, чевер таҥем".

Семтаҥ:
Ала мурем, ала шортам мый,
Да шарнымаш йӱла сорта гай.
Ах, марий ӱдыр Чачавий,
Лӱметым мондышо ит лий.

Юл йогын гыч нӧлталте кече.
Ок шорт, ок шыргыж ӱдыръеҥ,
Чон орлык гае сӱан кечым
Вуйшӱдышым пунен вучен.
Вашка оръеҥ лийшаш кӱ серыш,
Чеверласен-вашлийме верыш.
Йоҥгалте теве корно вечын
Сӱан содом, куанле сем.
Семтаҥ:

Марий лӱмем тылат ок келше -
Чон Чачавийын ойгырен.
Шуҥгалтын ӱдыр тура сер гыч,
Но Юмо шулдырым пуэн.
Ойган йомакын уло чынже:
Тек кажнын шкенжын лӱмжӧ лийже,
Айдемын чапше нӧлтмӧ семын
Каваш чоҥештыш ӱдыръеҥ.

Семтаҥ:
Ала мурем, ала шортам мый,
Да шарнымаш йӱла сорта гай.
Ах, марий ӱдыр Чачавий,
Лӱметым мондышо ит лий.

Ала мурем, ала шортам мый,
Да шарнымаш йӱла сорта гай.
Ах, марий ӱдыр Чачавий,
Лӱметым мондышо от лий.