Алёна Мельникова Тый декет толам (2018)

Текст песни "Алёна Мельникова — Тый декет толам (2018)"

Тый декет толам - Алёна Мельникова.
Мутшо - Алевтина Баязитова ден Алёна Мельникован.
Семже - Евгений Бахтинын.

Йӱштӧ телым тый декет вашкем, таҥем,
Поран ӱштеш корным, эркын мый мием.
Тыйым ужын чоныштетше вик шулем,
Шӱлышет ден ырыктет изи чонем.

Семтаҥ:
Лачак икте шӱмыштем, кӱлат икте мыланем,
Поро илыш йолташем, йӧратымем!
Садак толам мый адак, вучо тые шӱмбелем,
Тыланет йӱлалше чоным пӧлеклем.

Сылне шошым эҥер вӱд гай мый шулен,
Тый декет толам, шӱмбелем, таҥем.
Улат икте чоныштемже, куанем-
Тылат верч чӱчкен йӱла изи чонем.
Семтаҥ.

Кеҥеж кечын ӱжара ден лӱҥгалтен,
Тамле омо ден окнатым тӱкалтем.
Ончалам гын шинчашкетше, вик шулем,
Тыяк вел улат мыйын пиалем.
Семтаҥ.