Алёна Мельникова Шочмо вер (2021)

Текст песни "Алёна Мельникова — Шочмо вер (2021)"

Шочмо вер - Алёна Мельникова.
Мутшо - Нина Щербакован.
Семже - Андрей Германын.
Аранжировко - Александр Куприяновын.

Помыжалтым эр эрден,
Шӱшпык йӱкеш куанен.
Лыкын-лукын савыра,
Сылне мурым шӱшкалта.

Семтаҥ:
Тӱрлӧ семан кайыкем,
Йоҥгалтеш тораш мурсем.
Чонлан куштылго ончем,
Тау улат вер-шӧрем.

Волгыдо мотор кава,
Кече шыргыж шырата.
Ужарге тӱс ден варнен,
Пушеҥге шога лӱҥген.

Семтаҥ:
Лай мардеж шыман пуа,
Шыве-шыве рӱпшалта.
Чонлан куштылго ончем,
Тау улат вер-шӧрем.

Тевыс шурно пасуэм,
Мӱй пушан олык лапем.
Лыкын-лукан эҥерем,
Ший кол модмым эскерем.

Семтаҥ:
Кумыл дене пошкудем,
Пашаш ошкылеш эрден.
Чонлан куштылго ончем
Тау улат вер-шӧрем.

Тӱрлӧ семан кайыкем,
Йоҥгалтеш тораш мурсем.
Чонлан куштылго ончем,
Тау улат вер-шӧрем.