Валерий Шамов Уна муро (2019)

Текст песни "Валерий Шамов — Уна муро (2019)"

Уна муро - Валерий Шамов.
Мутшо - Валерий Шамовын.
Семже калыкын.

Тендан деке толмем годым,
Олык дене толынам,
Тиде мурем мурем шоненам.
Поро кумылда лийже,
Сае мутдаят лийже,
Уло марий калыклан, салам лийже.

Ала вӱдшӧ келге да,
Але серже тура да,
Ала молан ший колжо, йылгыж модеш?
Ала йорга улыда,
Ала поро кумылда,
Ала молан изи чонем тышке ӱжеш?

Пеледалтеш - велалтеш,
Саска лиеш - чеверга,
Изи мӧрын ӱмыржӧ, тугак эрта.
Ик ий, кок ий
Кум ий, ныл ий эрталеш,
Рвезыла ӱмырнаят тугак эрта.

Курыкышкат кӱзышым,
Олыкышкат волышым,
Канде вуян пеледышым погышым.
Тендан ялышке тольым,
Родо-влакемым ужым,
Тиде мурем мурен кодышым.

Йӱштӧ теле толеш,
Поранан лум ӱштеш,
Изи киса кайык кылмалеш.
Поро кумылан лийза,
Куан дене илыза,
Тек илышда эре тендан пеледалтеш.

Киярым шындаш,
Ковыштам шындаш,
Эн мотор мландем тыште улмаш.
Мияш, толаш,
Уна лийын каяш,
Самый сай родо-влакем тыште улмаш.

Йӱштӧ теле эрталеш,
Шошо шуэш - лум шула,
Капка йымач вӱдшӧ йогалеш.
Уло чон ден куанен,
Семже почеш муралтем,
Уна мурем тыланда мурен кодем.

Уло чон ден куанен,
Семже почеш муралтем,
Уна мурем тыланда мурен кодем.