Александр Марков Йорга такмак-влак (2020)

Текст песни "Александр Марков — Йорга такмак-влак (2020)"

Йорга такмак-влак - Александр Марков.
Мутшым Алевтина Шанина келыштарен.
Семже палыдыме авторын.
Аранжировко - Дмитрий Афанасьеаын.

Шӱдыр кояш тӱҥалын,
Ояр лиеш ала мо?
Йолташ-влак погыненыт,
Муралташак ала мо?

Тендан деке вашкенам,
Тендан декак толынам.
Шочмо Марий Ернурем гыч
Ший саламым конденам.

Изи годсек мурен, куштен,
Шӱшкалталын кушкынам.
Ынде шкеак ужыда -
Йорга артист лийынам.

Кемем веле чытыже
Мыйын тавалтымемым,
Таҥем веле чытыже
Мыйын йоргаланымем.

Мураш, кушташ веле огыл,
Пашаланат чот кертам.
Ӱдыр-шамыч, кушто улыда,
Ала йолташда лиям?

Изи пӱкшым кочкам ыле,
Лӱдам пӱем пытараш.
Кажне кечын ужам ыле,
Ок лий паша гыч куржаш.

Йӱд каваште шӱдыр шуко,
Ом керт шотлен пытарен.
Мыйын таҥем пешак шуко,
Ом керт чылам йӧратен.

Мыйын мурем колнеда гын,
Мурыза теат пелен.
Чон куанда, чон ойгыда,
Кайже лум гаяк шулен.

Шырчык шошылан мура,
Шӱшпык кеҥежым мокта.
Йолташ-шамыч, чевер кодса,
Жапем мыйымат покта.

Кайыккомбо ийын кая,
Почешше кыша кодеш.
Тиде мурым мурен кодем,
Чонешда шарнаш кодеш.