Артур Ефремов & Володя Матвеев
Кӧлан тый шыргыжат?
Ну как песня, понравилась? Поделись с друзьями!
Текст песни "Артур Ефремов & Володя Матвеев — Кӧлан тый шыргыжат?"
Кӧлан тый шыргыжат? - Артур Ефремов ден Володя Матвеев.
Мутшо - Володя Матвеевын.
Семже - Артур Ефремовын.
Могае тудын капше,
А тӱрвыжӧ могай?
Колта дыр кажнын
Ушыжым тыгай!
Йомакысе Вӱдӱдыр,
Я омысо сӱрет,
Молан тынар шӱмемжым когаргет?
Кузе коеш моторын,
Кеч вожылын онча,
Шылташ шинчажым
Мый дечем тӧча.
Ну, ончыкто тӱсетым,
Кушталте вожылде,
А мый тылат ом чыте мурыде!
Семтаҥ:
Кӧлан тый шыргыжат?
Мылам, я весылан?
Кушеч тый толынат?
Келшальыч чонемлан.
Тыге ок лий модаш,
Кок чоным сусыртен.
Ты мурым пӧлеклаш
Таратыш кумылем.
Изишак шыргыжалын,
Моткоч шыман кушта,
Изи чонемым пуйто тул нулта.
Ончен шерем огеш тем,
Чонеш пижеш тӱсшат.
Чынак, колта дыр ушым тӱрвыжат.
Молан ты касше кӱчык?
Пеш писын жап эрта.
Ужнем мый тыйым воктенем эртак.
Эше ик шыргыжмашым
Тый пӧлеклет ала?
Тек шӱмыштем тӱсет волгалт ила.
Семтаҥ.