Татьяна Денисова Локама

Текст песни "Татьяна Денисова — Локама"

Локама - Татьяна Денисова.
Мутшо - Светлана Эсаулован.
Семже - Вениамин Захаровын.

Ожнысек сурт воктене
Ылыжтен пече кӧргым,
Кажне шошо толмек,
Пеледеш локама.
Конденат шынден омыл,
Вӱдымат оптен омыл,
Куш ом ончо - йырваш
Тиде кушкыл иман.

Погалтем да ӱнарым,
Налам кидыш товарым,
Мо иялан, манам,
Чарныде пеледаш.
Вес айдеме, шотан гын,
Шында ыле киярым,
Урзо тич тӱҥалеш ыле
Мӧрым погаш.

Но садак кажне шошым,
Тӱзатен сурт-оралтым,
Изи тулжым йырваш
Ылыжта локама.
Уренат ом пытаре,
Руенат ом пытаре -
Илыш вийым пога
Тиде кушкыл иман.

Лишкыжат мые ом тол,
Авыра кеч уремым,
Корштарем маншыла,
Рӱзалта лышташлам.
Тый гына шыргыжальыч
Вӱд шарчан шинчат дене:
Пӱтынь шошын моторжо -
Локама, локама.