Халит Хатуев Гапалау

Текст песни "Халит Хатуев — Гапалау"

Муз. и сл. народные.

Ёксюз болуб ёсген эдинг, Гапалау,
Джарлылагъа нёгер эдинг, Гапалау,
Анасындан джигит туугъан Гапалау!

Джарлылагъа сен таянчакъ болуученг,
Ала ючюн сёзню таукел салыученг,
Анасындан джигит туугъан Гапалау!

Ыстауатда толу къазан къайнайды,
Сени юсюнгде тогъуз къазыкъ ойнайды,
Анасындан джигит туугъан Гапалау!

Гапалауну ёлтюрдюле, сойдула,
Джаш къатынын ау тюбюнде къойдула,
Ой, анасына джигит туугъан Гапалау!

Ананг джокъду къан башынгы джууаргъа,
Атанг джокъду кёзлеринги джумаргъа,
Анасындан джигит туугъан Гапалау!