Станислав Шакиров Порылык (2022)

Текст песни "Станислав Шакиров — Порылык (2022)"

Порылык - Станислав Шакиров.
Мутшо - Надежда Никитинан.
Семже - Станислав Шакировын.

Весела кечыйол мландываке вола гын,
Ӱмылан садерат ужарген илана.
Шӱлыкан кумылна тодылалт сусырга гын,
Поро мут йӱштӧ деч арален паремда.

Семтаҥ:
Порылык эре вургыжын ила,
Тудын корныжат волгыдын йӱла.
Ныжыл кумылан шошо кечыла
Чоным ырыкта.

Качылан ӱдыр таҥ ӧпкелен савырна гын,
Тек тугеже вашла умылен сӧраса.
Ондалалтше чонна ойгырен йӧслана гын,
Поро-поро ончалтыш чыла каласа.

Семтаҥ:
Порылык эре вургыжын ила,
Тудын корныжат волгыдын йӱла.
Ныжыл кумылан шошо кечыла
Чоным ырыкта.

Порылык эре кӱкшытым пала,
Тудо кажнылан шокшыжым пайла.
Йӱкым пуыде, ӱлыкӧ вола
Порсын лывыла.

Ит лий, йолташем, кылмыше чонан,
Шокшо кумыл ден пу кидет мылам.
Ик мутат сита вашла умылаш
Икте-весынам.

Семтаҥ:
Порылык эре кӱкшытым пала,
Тудо кажнылан шокшыжым пайла.
Йӱкым пуыде, ӱлыкӧ вола
Порсын лывыла.

Порылык эре вургыжын ила,
Тудын корныжат волгыдын йӱла.
Ныжыл кумылан шошо кечыла
Чоным ырыкта.

Порылык эре кӱкшытым пала,
Тудо кажнылан шокшыжым пайла.
Йӱкым пуыде, ӱлыкӧ вола
Порсын лывыла.

Йӱкым пуыде, ӱлыкӧ вола
Порсын лывыла.

Йӱкым пуыде, мландышке вола
Юмо лывыла.