Раиса Кубатуллина Ончем, шӱдырат огыл

Текст песни "Раиса Кубатуллина — Ончем, шӱдырат огыл"

Ончем, шӱдырат огыл - Раиса Кубатуллина.
Калык муро.

Ончем, шӱдырат огыл,
Ончем, тылзат огыл.
Ончем, шӱдырат огыл,
Ончем, тылзат огыл.
Ош тувыран, шем пинчакан,
Ончем, йолташем огыл.
Ош тувыран, шем пинчакан,
Ончем, йолташем огыл.

Кушто мыйын шӱдыремже,
Пыл коклаште огеш кой.
Кушто мыйын шӱдыремже,
Пыл коклаште огеш кой.
Кушто мыйын йолташемже,
Еҥ коклаште огеш кой.
Кушто мыйын йолташемже,
Еҥ коклаште огеш кой.

Казаварням волгалтарыше,
Уке мыйын шергашем.
Казаварням волгалтарыше,
Уке мыйын шергашем.
Изи чонем лыпландарыше,
Уке мыйын йолташем.
Изи чонем лыпландарыше,
Уке мыйын йолташем.

Молан вӱдшӧ лыкын-лукын,
Молан вияш огыл гын?
Молан вӱдшӧ лыкын-лукын,
Молан вияш огыл гын?
Йӧраталме йолташемже,
Молан лишыл огыл гын?
Йӧраталме йолташемже,
Молан лишыл огыл гын?

Ала молан агытанже,
Таче огеш муралте
Ала молан агытанже,
Таче огеш муралте
Ала молан йолташемже,
Толын ужын ок кае.
Ала молан йолташемже,
Толын ужын ок кае.

Йога вӱдшӧ, йога вӱдшӧ,
Йога вӱдшӧ чарныде.
Йога вӱдшӧ, йога вӱдшӧ,
Йога вӱдшӧ чарныде.
Йӱла шӱмем, йӱла шӱмем,
Тудым ужын кутырде.
Йӱла шӱмем, йӱла шӱмем,
Тудым ужын кутырде.

Ала молан йӱр лиймеке,
Кумда олык ужарга.
Ала молан йӱр лиймеке,
Кумда олык ужарга.
Ала молан келшымеке,
Ойырлет гын чон йӱла.
Ала молан келшымеке,
Ойырлет гын чон йӱла.

Чодыраште, пичыште,
Молан пу руаш кӱлеш?
Чодыраште, пичыште,
Молан пу руаш кӱлеш?
Кайшаш каен, кодшаш кодын,
Молан чон йӱлаш кӱлеш?
Кайшаш каен, кодшаш кодын,
Молан чон йӱлаш кӱлеш?