Татьяна Соловьёва Толат от тол

Текст песни "Татьяна Соловьёва — Толат от тол"

Текст:
Толат- от тол ом вучо,
Кает гынат ом кучо.
Молан кӱлат тыгае мыланем?
Ужам гын ом пелеште,
Возет гын ом вашеште.
Ит тол, от кӱл, ом вучо.
Садыгак мондем.

Тунемым ынде тый дечет посна илаш.
Эрта кечат, тылзат, мыняр лиеш вучаш?
Пустаҥше чон ок мондо шкетым кодымет.
Иктат ок вучо, ок кӱл угыч пӧртылмет.

Тунемым ынде тый дечет посна илаш,
Эрден лектам мый кечым шкетын вашлияш.
Кастене ӱжарам мый шкетак ужатем,
А йӱд шумек шӱмемым шырпын шалатем.

Тунемым ынде тый дечет посна илаш.
Йӧратымашын тулжо дек шкетак йӱлаш.
Вашлийын-ужаташ ынде нигӧм мылам,
Лач пӱрымашын ӱмылже ден шкет модам.