Габдельфат Сафин Мин ышанам ( я верю тебе)

Текст песни "Габдельфат Сафин — Мин ышанам ( я верю тебе)"

Күпме таңнар сөеп уятты да,
Төннәр моңы качып киттеләр,
Маңгаема еллар бер-бер артлы
Коеп-коеп чигү чиктеләр.

Кушымта:
Кеше бәхетеннән көнләшмимен,
Кеше кайгысыннан көлмимен,
Көзен чәчәк аткан агач күрсәм
Яз килгән дип шаулап йөрмимен.

Таңнарның да төнгә әйләнгәнен
Вакыт та бит инде аңларга,
Тик һаман да балачактагыдай
Мин ышанам әле таңнарга.

Йөрәк җырларымны дога итеп
Таң нурына төреп таратам.
Мин бит якташ, сердәш, моңдашларым,
Ихлас сөю белән яратам.