Адамович Эдуард Будзе дождж - верш на беларускай мове

Текст песни "Адамович Эдуард — Будзе дождж - верш на беларускай мове"

Шэрым стала блакітнае неба,
Пыл гуляе па небе, як знак
І пакрылася кроплямі глеба
Будзе дождж! Няхай будзе так!

Сякане хай маланкай паветра!
Хай узрушыцца полымем дах!
І за хвалей вады – хваля ветра
Па ягоных нясецца слядах!

Ў барабаны хай грухае волат,
Высякае іскры аб сталь,
Велічэзны трымаючы молат
Хай працуе нябесны каваль!

Непазбегнуць азёрам кіпення,
Стрэлаў кропель лавіну не зняць!
І лістоў галасоў шапацення
Безсенсоўна, дарэмна спыняць…

Будзе дождж! Будзе моцны і дужы
Мокрай кісцю вадзіць мастак!
Будзе цемра, маланкі і лужы…
Будзе дождж! Няхай будзе так!