♥ . ♥. ♥ . ♥. ♥...ℓ٥ﻻ ﻉ√٥υ Атама (на карачаево-балкарском языке)

Текст песни "♥ . ♥. ♥ . ♥. ♥...ℓ٥ﻻ ﻉ√٥υ — Атама (на карачаево-балкарском языке)"

Музыка киргизская народная, стихи Альберта Узденова.

Тыш джуртда болалсам деб баш,
Кёб джыл айланды таулу джаш.
Тюшюнде джуртха къайтхан эд,
Атасы ауруб джатхан эд,
Джашы да анга айтхан эд:

-Аурума, атам, тур ёрге,
Гулош таягъынг болайым,
Кече сен абынныкъ джерге,
Мен чыракъ болуб джанайым.

Насыб да менден туракълаб,
Къачхы джел сюрген чапракълай
Айландым, кёрмей сени мен.
Гюнах алгъанма мен сенден,
Кеч, атам, мени кечелсенг.

-Аурума, атам, тур ёрге,
Гулош таягъынг болайым,
Кече сен абынныкъ джерге,
Мен чыракъ болуб джанайым.

Танг атды, джаш да уянды,
Туугъан джуртуна атланды.
Сау кёрелсем деб атаны,
Сагъышында кёре аны,
Айтады джаш джарсый джаны:

-Аурума, атам, тур ёрге,
Гулош таягъынг болайым,
Кече сен абынныкъ джерге,
Мен чыракъ болуб джанайым.

Къайтды джаш Ата Джуртуна,
Атасы чыкъмайд аллына.
Эшитди ачы хапар ол,
Къабырлагъа тутханды джол,
Бауурланнганды ол кёрге,
Ата уа турмайды ёрге...