Айдар Галимов Кунак кызы (В.Галимов көе, Р.Миңнуллин сүз.)

Текст песни "Айдар Галимов — Кунак кызы (В.Галимов көе, Р.Миңнуллин сүз.)"

Кунак кызы килгән безгә -
җилфер-җилфер күлмәге.
Егетләр ничек түзәдер -
Чибәрлеге үлмәле.

Кушымта;
Кунак кызы, кунак кызы,
Кемгә тиярсең икән?
Озата барсам әгәр дә:
"Сөям!" диярсең микән?

Дөрләп яна егетләрнең
йөрәкләре, күзләре.
"Кунак кызы, кунак кызы", -
Бар сөйләшкән сүзләре.

Кушымта.

Егетләр кунак кызыннан
Калмыйлар бер адым да.
Әйтерсең лә кызлар беткән
Үзебезнең авылда!

Кушымта.

Кунак кызы, кунак кызы,
Юләр итәсең инде.
Үзем эзләп табар идем -
Кайчан китәсең инде?

Кушымта.