Әділбай Жаниязов Гаухартас.(Халық әні)

Текст песни "Әділбай Жаниязов — Гаухартас.(Халық әні)"

Ажарың ашық екен атқан тандай
Нұрлы екен екі көзің жаққан шамдай
Анаңнан сені тапқан айналайын
Күлім көз, оймақ ауыз, жазық маңдай

Беу-беу гауһар тас
Құсни, құрдас
Раушан жүзің көргенде
Сәулем-ау, сабырым қалмас

Ажарың ақ түлкідей қашқан құмнан
Шолпандай таң алдында жалғыз туған
Жылы су, қолда құман, қарда орамал
Жібекпен қызыл гәріс белін буған

Беу-беу гауһар тас
Құсни, құрдас
Раушан жүзің көргенде
Сәулем-ау, сабырым қалмас

Басасың аяғыңды ырғаң-ырғаң
Сылдырап шашбауың мен алтын сырғаң
Жай жүріп шаттанасың әсерленіп
Әсемсің жүйрік аттай мойнын бұрған

Беу-беу гауһар тас
Құсни, құрдас
Раушан жүзің көргенде
Сәулем-ау, сабырым қалмас