Йорга Каче Галя, Валя, Таня

Текст песни "Йорга Каче — Галя, Валя, Таня"

Кок йӱд шонен коштам
Шӱмемым колыштам,
Могае ӱдыр ден
Мыланем ласкарак?
Галина весела,
Чонем куандара,
Но Валян кап-кылже
Утларак моторрак!

А Таня мыйым шупшалеш,
Вуем ӱмаж дечын пӧрдеш,
Кеч йолжо тудын пуйто кече гай йыргешке.
Кузе пайлаш нуным ӧрам,
Ала ораде мый улам,
Вет иканаште кумыт ден келшаш лиеш мо?

Галя – улеш йомартле
Валя – кап-кылже чапле,
Таня – ӱмаже тамле!
Кӧм ойыраш ом пале.
Галя – улеш йомартле
Валя – кап-кылже чапле,
Таня – ӱмаже тамле!
Ынде мом ышташ, ом пале!

Тыгае мыскара:
Кумытынат пырля
Мый декем толыныт
Паша дечын вара.
Ондалымем пален
Галина пеш сырен!
Да мушкындыжо ден
Ик шинчам какартен.

Рӱзалтыш Валя кидше ден,
Да ойлыш, келгын шӱлалтен,
Тый, Йорга-Каче, сайын код у вашлиймешке…
Ынде мый Таня деч куржам,
Мый тудын йолжо деч лӱдам.
Эх, иканаште кумыт ден келшаш огеш лий…

Галя – улеш йомартле
Валя – кап-кылже чапле,
Таня – ӱмаже тамле!
Кӧм ойыраш ом пале.
Галя – улеш йомартле
Валя – кап-кылже чапле,
Таня – ӱмаже тамле!
Ынде мом ышташ, ом пале!

Тек огыт сыре ӱдыр влак,
Мый весела улам садак.
Огеш кул, умылем,
Вес ӱдыр мыланем.
Вет мый ватемым йӧратем.

Галя – улеш йомартле
Валя – кап-кылже чапле,
Таня – ӱмаже тамле,
Но ватемже эн ӱшанле.
Шоптыр гай шем шинчаже,
Снеге гай ялт ӱмаже
Ӱдыр-влак улыт шукын
Но ватем деч сайже уке!

Мутшо Анжела Белкинан