Мурадин Батдыев Миллетим

Текст песни "Мурадин Батдыев — Миллетим"

Музыка и стихи Абдуллаха Кубанова.

Джашла, тенгле, къарнашла,
Къысхасыча - миллетим,
Ачыкъ кёлден джырлайма,
Тазад сизге иннетим,
Джашла ёлген кёб болгъанд -
Аны юсюнденди сёзлерим,
Миллет азайыб барады,
Тёзалмайды джюрегим.

Джити, ётгюр, таулу миллетим,
Сен кёб къыйынлыкъ кёргененг,
Ачлыкъ, къыйынлыкъ заманланы,
Барыны юсю бла ётгененг.
Энди сени сыйынгы кёрмеген,
Ата, къарнаш, эгеч, тенг,
Ол тюлд, сеники, тюлдю, Къарачай,
Кетсин бу джерден узакъ-кенг.

Мени Къарачайым Минги Тауумча,
Ёмюрю узакъ джарысын,
Кёрген къыйынлыгъы ёмюрге джетер,
Ёмюрю къыйынлыкъсыз джашасын.
Сюейик-сюейик халкъыбызны,
Этмейик артыкълыкъ миллетге,
Туурадан къарагъан тыш миллетлеге,
Болмайыкъ алагъа хыликке.

Буруннгу къартла ма бусагъатда
Миллетде чотну кёрселе,
Къыйналмаз эдиле ёлгенлерине,
Мында ёлгенлени кёбюне.
Миллетибизге артыкълыкъ этген,
Артыкълыкъ этеди кесине,
Къарачай атлы - бары къарнашды,
Къарнашын кёргюзсюн кёзюне.

Адамлыкъ, тюзлюк,
Чомарт болмакълыкъ,
Уллу Аллахны тутмакълыкъ,
Къарачай дегенни магъанасы уллуду,
Тынч тюлдю бир сёз бла айтмакълыкъ.
Ол сёзню, джашла, сыйы кертиди,
Биз аны тюбге атмайыкъ,
Къартладан келген керти адетлени
Учуз багъагъа сатмайыкъ.

Къыралыбызда къазауат джокъду,
Уллу Аллахны кючюнден,
Джашауда иги болсун миллетге,
Озгъан замандан, бу кюнден.
Ата къазауат болгъан джыллада,
Кёб джашла ёлюб кетгенле,
Бюгюнлюкде уа бир-бирин къыргъан,
Анда ёлгенлени джетгенле.

Дунияны заты - дунияда къалад,
Киши джукъ алыб кетмейди,
Дуния малы ючюн бир-бирин къырыргъа,
Аллах кишиге эркинлик бермейди.
Биринг-биринге къайгъынг бар эсе,
Ариу сёз бла айыр арангы,
Кишини, кесинги да джарлы этгинчи,
Кёзюнге кёргюз анангы!

Ёмюрден бери ёхтем Къарачай,
Бир-бирин тутуб келгенди,
Бир-бирин къаты тутхан себебли,
Башхалагъа юлгю бергенди,
Керек джерледе Къарачай джашла
Миллет ючюн джанларын бергенле,
Туурадан къарагъан бизге кюлмейин,
Сукълана-сукълана келгенле.

Миллетибизде бир адам ёлсе,
Сау миллет бирге къыйналгъанд,
Бир насыб келсе миллетибизге,
Сау миллет бирге къууаннганды.
Джашлыкъда - джашлыкъ ким да этгенди,
Орну бла этейик джашлыкъны!
Миллетибизге таза болайыкъ,
Къартлагъа берейик башлыкъны!
Миллетибизге заран салмайыкъ,
Къартлагъа берейик башлыкъны!