Флюра Сөләйманова "Таңнар бәхет китерсен"Т.Низами шиг.,көе

Текст песни "Флюра Сөләйманова — "Таңнар бәхет китерсен"Т.Низами шиг.,көе"

Таңнар бәхет китерсен
Тәслимә Низами шигыре һәм көе

Күңелем җыр көтә,
Күңелем наз көтә
Күктән яуган ап-ак карлардан
Илгә-көнгә шатлык,
Бәхет китер, диеп,
Көн дә сорыйм туар таңнардан.

Гомерлек бәхетләр
Насыйп булсын иде
Мәхәббәтен тапкан парларга.
Җанны җылытырлык
Олы сөю килсен
Парын көткән ялгыз ярларга.

Туган ил күгеннән
Иңсен күңелләргә
Күбрәк шәфкатьлелек, игелек.
Эшләрегез уңсын!
Хәерле юл сезгә!
Ходай бирсен муллык, изгелек!