Омар Отаров Сюймеклик джыр

Текст песни "Омар Отаров — Сюймеклик джыр"

муз. и сл. народные

Кел, мин, ариу, файтоннга,
Байду да минер биргенге.
Эй, мен джюз файтоннга приказ бергенме
Сени биргенге тебрерге.

Джюз файтон бла барырем,
Юйюнгю аллына джол салыб,
Эй, отоу терезеден бир къарагъыем,
Эки джан сюекге къол салыб.

Къаяда къаплан джатханлай,
Къамагъа бычакъ такъгъанлай,
Эй, джазыуунг джетсе, келиб къалырса
Джалан аякълай, чабханлай,

Мен таугъа тогъай салмасам, ариу,
Тюзде файтон бла бармасам,
Эй, ёлсем, къабырым а эки джарылыр,
Дуниямда сени алмасам.

Кел, мин, ариу, фаитоннга,
Хамут салгъанма сары атха,
Эй, джай чилледе да безгек боллукъса,
Алыб кетмесем наратха.

Тюлкю бла турна уа шох эдиле,
Ала тюз къамишде къош элле.
Эй, тауда сюйгенле - ма биз экиси,
Къалгъан сюйгенле бош элле.

Бал чибиним бал этер,
Къанатын джайыб кенг, кетер.
Эй, аджал инбашда, болджал тау башда,
Толу муратына ким джетер?

Мен суу джоргъагъа минейим, ариу,
Темирден кюбе киейим,
Эй, этген тузагъыма аягъынга тюшюб,
Амалсыз кюнюнге тюбейим.

Тау артында джылкъыла,
Эбзеде токълу къыркъыла.
Эй, ариу, алакёзюм, къайдан келесе,
Базар мамукълай сытыла?

Тауну артында чилле сюргенме,
Керекли болсанг, алырса.
Эй, алтын челеклеринг, кюмюш суу агъачынг,
Эриксенг, суугъа барырса.

Кел, мин, ариу, фаитоннга,
Да къобуз согъа, чайкъала.
Эй, сол джанынгда кесим барлыкъма,
Сорсанг а, джууаб къайтара.

Ой, ариучугъум, къайдан келесе,
Кесинг кесинги сюйдюрюб?
Эй, алыб кетерикме ариу алакёзню,
Автомобильге миндириб.