Надежда Аникаева Тылат, аваем (2018)

Текст песни "Надежда Аникаева — Тылат, аваем (2018)"

Тылат, аваем - Надежда Аникаева.
Мутшо - Алевтина Баязитован.
Семже - Жаудат Гильмановын.

Аваем, тылат мый тауштем.
Сай шомакым мурышко пыштем.
Эрта гынат эн сылне пагытет,
Ош тӱняште кодеш вет мурем.

Семтаҥ:
А пӱртусшӧ, моторын тӱрлен,
Ший корным тыланет ончыктен.
Сылне йӱк дене мурым мурен,
Пелештем тыланет куанен!

Аваем, муремым муралтен,
Поро мутым лач тылат ойлем.
Ӧндалам да шыма кидет кучен,
Ончен-куштыметлан тауштем!
Семтаҥ.

Аваем, улат тый шӱмыштем,
Поро мутым чинчыла тӱрлем.
Лиеш гынат, пеш шуко ийготем,
Воктенет йоча гай, кумылем.
Семтаҥ.