Псалтирь (чит. Евгений Пацино) Псалом 99 ( муз. Kirill Bogomiloff)

Текст песни "Псалтирь (чит. Евгений Пацино) — Псалом 99 ( муз. Kirill Bogomiloff)"

Псалом 99

Псало́м Дави́ду, во испове́дание

1 Воскли́кните Бо́гови вся земля́:
2 рабо́тайте Го́сподеви в весе́лии, вни́дите пред Ним в ра́дости.
3 Уве́дите, я́ко Госпо́дь Той есть Бог наш: Той сотвори́ нас, а не мы: мы же лю́дие Его́ и о́вцы па́жити Его́.
4 Вни́дите во врата́ Его́ во испове́дании, во дворы́ Его́ в пе́ниих: испове́дайтеся Ему́, хвали́те и́мя Его́.
5 Я́ко благ Госпо́дь, в век ми́лость Его́, и да́же до ро́да и ро́да и́стина Его́.