Генадий Тимеряев Монден ом керт (2018)

Текст песни "Генадий Тимеряев — Монден ом керт (2018)"

Монден ом керт - Генадий Тимеряев.
Мутшо ден семже Генадий Тимеряевын.

Ший памашын яндар вӱдшым,
Тамлен ончаш мый волышым.
Таҥем, тыйым шарналтышым,
Пуйто уэшлан вашлийым.

Семтаҥ:
Монден ом керт тыйым,
Чоныштем ашнем.
Йӱлалше шӱмемым,
Толын йӧртет шонем.

Шолын лекше яндар вӱдеш,
Йӱлышӧ шӱмемым луштем.
Йоген кайше яндар вӱдеш,
Ныжыл шарнымашым колтем.
Семтаҥ.

Илет тораште, шӱмбелем,
Улат тый эре шинчаштем.
Ырыктет мыйын шӱм-чонем,
Йомдаршыч мыйын йӱд омем.
Семтаҥ.

Кеч шуко жап эртен, таҥем,
Садак илет тый чоныштем.
Памаш воктен, йӧратымем,
Уэш тыйым мый вашлийнем.
Семтаҥ.