Ершат Қайырхан Шығысым жұмақ мекенім

Текст песни "Ершат Қайырхан — Шығысым жұмақ мекенім"

Серик Молдабеков, музыка Ершата Кейырхана
Шығысым - жұмақ мекенім
Шалқыған ырыс базарың құнды,
Тербетпес сірә ғажабың кімді,
Көк түріктердің Отаны болған,
Өр Алтай асқақ ажарың нұрлы.
Желбіреп тұрған байрағың мықты,
Тарбағатайым жайнаған тіпті,
Марқакөл, Сауыр, Шыңғыстауым бар,
Қазына кеуде аймағым құтты.
Қайырмасы:
Демеймін сенен жырақ кетемін,
Әнімді арнап шырақты етемін,
Даналық тұнған - абыздар елі
Шығысым менің - жұмақ мекенім.
Туған жер үшін жаным ысынды,
Шарпиды келіп жалын ішімді,
Мұзтаудың төрі рахатқа бөлеп
Басамын келіп сағынышымды.
Қайырмасы:
Демеймін сенен жырақ кетемін,
Әнімді арнап шуақты етемін,
Даналық тұнған абыздар елі
Шығысым менің - жұмақ мекенім.
Көрмесемсірә жыр-әнім келмес,
Бұлағы балдай, құрағы өлмес,
Аманат жолын берік қып ұстап
Арман боп жанған шырағың сөнбес.
Қайырмасы:
Демеймін сенен жырақ кетемін,
Әнімді арнап шуақты етемін,
Даналық тұнған абыздар елі
Шығысым менің - жұмақ мекенім.
Шалқыған ырыс базарың құнды,
Тербетпес сірә ғажабың кімді,
Көк түріктердің Отаны болған
Өр Алтай асқақ ажарың нұрлы.