Денисова Татьяна Лÿҥгалтыш (rmx)

Текст песни "Денисова Татьяна — Лÿҥгалтыш (rmx)"

Лӱҥгалтыш - Татьяна Денисова.
Мутшо - Тимофей Петуховын.
Семже - Иван Егоровын.

Лай мардеж куэ парчам ӧндалын,
Лӱҥгалта йочала куанен.
А пырля юарлыме лӱҥгалтыш
Ынде кӧм вуча гын ойганен?

Семтаҥ:
Тидым тый палет,
Тидым тый шарнет,
Чыным вел лӱдат ойлаш.
Нале куанем,
Почо шӱлыкем,
Лач йӧратымаш.

Тый денет мый йӱштӧ теле кечын
Шошо лумла шуленам молан?
Ойганрак улам лӱҥгалтыш дечын,
Кӧ гын тидым, кӧ гын умыла?
Семтаҥ:

Тек мардеж куэ парчам ӧндалын,
Лӱҥгалта, йочала куанен.
А пырля юарлыме лӱҥгалтыш
Ынде кӧм вуча гын куанен?

Семтаҥ:
Вучо пӧртылеш,
Угыч вашлийеш
Чоным шӱметлан ойлаш.
Шӱлыкет йомеш
Да адак толеш
У йӧратымаш.