Иванова Светлана Лум пырче

Текст песни "Иванова Светлана — Лум пырче"

Лум пырче - Светлана Иванова.
Мутшо - Римма Кудрявцеван.
Семже - Елена Рыбакован.

Кӱшыч лум шыман велеш,
Эркын мландышке возеш.
Йырым-йыр пӱртӱс мала,
Теле толын унала.
Канде порсын гай кава
Чинчым ош куэш шава.
Теле йӱштӧ чурием
Олма гае чевертен.

Семтаҥ:
Лум пырче, лум пырче, лум пырче
Кидышкем пӧрдын, модын шып шинче.
Куанен, тудым ӧрын ончем,
Вӱд чӱчалтыш кодеш кидыштем.

Мура пӧрдын ош поран.
Теле лумлан пеш поян:
Пуйто юзо тояж ден
Кава помышым шӱтен.
Теле толын. Кеч ик тӱс,
Ялт йомакысе пӱртӱс.
Куанен йырваш ончем,
Кидыш шинче лум пырчем.
Семтаҥ.